Sariling Reaksyon

 'Reaksyon sa larawan' 

         Makikita sa dalawang larawan na aking napili ang mga bangkay na natagpuan matapos ang Yolanda. Ang mga bangkay na ito ay makakasama sa ating kalusugan lalo na sa kalusugan ng mga taong naninirahan sa lungsod kung saan ito nakuhaan. Nakakalungkot na makita ang mga larawang ito. Nakikita rito ang mga taong napabayaan ang bangkay. Hinayaan lamang na nakahiga at hindi agad naisaayos ang katawan. Maaring ang kanilang mga kamag-anak ay lubhang nalulungkot dahil sa kanilang masamang dinanas. Ngunit iisa na lamang ang ating magagawa, yun ay ang tulungan ang mga taong kanilang naiwan sa pamamagitan ng pagbibigay ng donasyon.

'Ang sa Tingin ko'ng Dapat Gawin ng 

Gobyerno'

      Sa panahong ito, mas kinakailangan nila ang gobyerno. Ngunit bakit sa panahong ito pa mas napuno ng problema ang gobyerno. Kailangan natin sila ngunit sa dami ng problema hindi agad sila nakakaresponde sa nangangailangan. May nagtanong sa akin "Sa pagkakataong ito. Dapat pa bang tanggalin ang PDAF?". Sa tanong niyang ito. Sumagi ang iilang tanong sa aking isipan. "Dapat na nga ba itong tanggalin kung ito ay makakatulong sa mga kababayan nating nahihirapan ngayon dahil sa pagdaan ni Yolanda?". Kung ako ang tatanungin siguro'y sasabihin kong gusto ko'ng ang mga salaping natitira ay gamitin para tulungan ang mga nasalanta. Nais ko'ng gamitin nalang nila ang PDAF upang tulungang makaahon sa hirap ang mga nasalanta ng bagyo.
                                                                                                            

     Ito ay sariling reaksyon ko lamang. Alam ko pong ang bawat isa ay may kanya-kanyang reaksyon... Maraming salamat sa mga bumasa.. :) Sana ay naintindihan ninyo.

“Ang Aking Bayani, Ang Aking Ina”

            Ako po’y muling gumagawa ng blog tungkol sa aking kinikilalang bayani ng aking buhay. Tungkol sa bayaning aking tunay na hinahangaan.

          Ang aking bayaning hinahangaan ay ang aking ina. Lubos ko po siyang hinahangaan dahil sa kanyang pagiging matatag. Kahit na siya lamang ang bumubuhay sa aming tatlong magkakapatid ay hindi siya agad sumusuko. Siya lamang ang nag-aalaga sa amin dahil namatay ang aking amain. Lubos kaming nalungkot sa kanyang pagkamatay. Ngunit nagpatuloy parin kami sa aming buhay.

          Ang aking ina ay ang mag-isang tumataguyod sa aming pamilya. Ang aking kuya na panganay sa aming tatlong magkakapatid ay huminto sa pag-aaral dahil na rin sa kakulangan ng pera ng aking ina. Samantalang ang aking ate ay kasalukuyang iskolar sa Datacom. Minsan ay nagkakaroon ng problema ang aking ina sa aming mga gastusin ngunit gumagawa lang siya ng paraan.

          Napakabuti niyang ina. Siya ay isang mabuting halimbawa ng ina na tunay na nagmamahal sa kanyang mga anak.

          Marami pong salamat sa pagbabasa nitong aking isinalaysay tungkol sa aking pinaniniwalaang tunay na bayani sa aking buhay. Sana'y maintindihan ninyo ang aking isinalaysay.

“WE SHOULD OBEY”

        Ayon sa narinig ko sa aking guro sa Economics, kahit anong gawin natin kailangan nating sumunod sa mga taong may awtoridad kabilang na rito ang mga guro, magulang at ang pamahalaan. Ang mga guro ang gumagawa ng patakaran sa ating eskwelahan, samantalang ang mga magulang ang gumagawa ng patakaran sa ating mga tahanan, at ang pamahalaan naman ang gumagawa ng patakaran sa buong nasasakupan nito. Tama man o mali ang kanilang ginawang patakaran lahat tayo ay dapat sumunod upang walang kaparusahan na matanggap.

          Bilang isang estudyante ipinapakita ko na kinikikilala ko ang kanilang awtoridad sa pamamagitan pagsunod sa kanilang mga patakaran. Ngunit dahil hindi ako isang perpektong tao kaya’t hindi lahat ng kanilang patakaran ay maayos kong nasusunod. Maaring minsan nga ay nakakagawa ako ng pagkakamali ngunit dahil bawat pagkakamaling iyon mas nagkakaroon ako ng kaalaman kung ano ang dapat kong itama sa aking sarili.

Kung magsisikap ang lahat ng tao na sundin ang mga patakaran o batas na isinasakatuparan ng pamahalaan mas magkakaroon ng kapayapaan dito sa ating bansa. Ngunit minsan nakakadismaya rin ang mga nanunungkulan sa pamahalaan. Ipinatupad nila ang batas na bawal magnakaw ngunit bakit silang nanunungkulan ay nagnakaw ng ilang bilyon sa pera ng mamamayan? Paano natin susundin ang isang patakaran kung ang mismong gumawa nito ay sumusuway dito? Kaya’t naisip ko na hindi ka dapat gumawa ng patakaran kung mismong sarili mo ay hindi kayang sumunod dito. Sana’y maintindihan nila na upang mas irespeto ang kanilang awtoridad, kailangan nilang irespeto ang mga mamamayan o tao na kanilang nasasakupan.

Maraming salamat po sa pagbabasa ng aking pansariling opinyon. Nawa’y inyo ring maintindihan.